Pluui li tan buyak mun bak krapek pasal pelinut.Kmen tepong sei genalut jegem anum lasuk nyadin la inut.Dengak cukup ien singen,sabel blacen in bak tun nyin ateng. Lakau ih,ko bak cerita pasal pelinut.
Gak liko kik,luin pilak telo keman inut kalik gi keman biasa atau rutin.Tapi gim telo aliko,pelinut ih bak menak telo pesegak,sakai-sakai,janik-janik jegem jipo-jipo bak menak telo rapet udei lah tan sifat inut ien dbei;peleket.
Tiep lakau pulik cuti,ujong migu ka tan mesti sakai atau janik telo bak megam "pelinut". Dagen seder atau debei a megam ien bak menak telo pedun jatak tagan udei.Mun penerati ateng cara telo keman de sama tan cara liko kik kman inut,telo kongsi jatak kedau. Semuah pebak atip mengulong inut gak tengah-tengah telo.
Kepaut ko tudip ih,bak pelinut de kenah sebareng lian jegem bei adab lian keman.Pelinut dbe kenah mun bei a dagen kapong atau bei segak tagan ien matai.Ien reti nyin pelinut ih kenah ninak telo masa manah,mun bei sebab kik ko de rapa sah.
Adab masa keman kawak,de kenah bak tetawa pepalih alu,naah upat tenguk sau a nyat.Mun pebak nilak logik, deluk bak kledan wak ateng.
Ko rasa ien singen siew pasel pelinut.Mun bei masa je tagan pedun sama dao la bak pelinut gak kmen pedun pesiyai selalu angai.
